คนฺถวิปฺปยุตฺตํ นคนฺถนิยญฺจ คนฺถวิปฺปยุตฺตํ นอคนฺถนิยญฺจ ธมฺมํ ปฏิจฺจ คนฺถวิปฺปยุตฺโต นอคนฺถนิโย ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ปญฺจ, อารมฺมเณ ทฺเว…เป.… อวิคเต ปญฺจฯ (สพฺพตฺถ วิตฺถาโรฯ)

คนฺถโคจฺฉกํ นิฏฺฐิตํฯ

32-49. โอฆาทิทุกานิ

[46] โนโอฆํ ธมฺมํ ปฏิจฺจ…เป.… โนโยคํ ธมฺมํ ปฏิจฺจ…เป.… (โอฆโคจฺฉกโยคโคจฺฉเกสุ อามสนํ อาสวโคจฺฉเก อามสนสทิสํ)ฯ

[47] โนนีวรณํ ธมฺมํ ปฏิจฺจ…เป.…ฯ (นีวรณโคจฺฉเก อามสนํ สญฺโญชนโคจฺฉเก อามสนสทิสํฯ)

นีวรณโคจฺฉกํ นิฏฺฐิตํฯ

50-54. ปรามาสาทิทุกานิ

[48] โนปรามาสํ ธมฺมํ ปฏิจฺจ โนปรามาโส ธมฺโม อุปฺปชฺชติ เหตุปจฺจยาฯ (สํขิตฺตํฯ)

[49] นปรามฏฺฐํ ธมฺมํ ปฏิจฺจ นปรามฏฺโฐ ธมฺโม อุปฺปชฺชติ เหตุปจฺจยาฯ (สํขิตฺตํฯ)

[50] นปรามาสสมฺปยุตฺตํ ธมฺมํ ปฏิจฺจ นปรามาสสมฺปยุตฺโต ธมฺโม อุปฺปชฺชติ เหตุปจฺจยาฯ

[51] นปรามาสญฺเจว นอปรามฏฺฐญฺจ ธมฺมํ ปฏิจฺจ นปรามาโส เจว นอปรามฏฺโฐ จ ธมฺโม อุปฺปชฺชติ เหตุปจฺจยาฯ นปรามาสญฺเจว นอปรามฏฺฐญฺจ ธมฺมํ ปฏิจฺจ นอปรามฏฺโฐ เจว นโน จ ปรามาโส ธมฺโม อุปฺปชฺชติ เหตุปจฺจยาฯ

นปรามาสญฺเจว นอปรามฏฺฐญฺจ ธมฺมํ ปฏิจฺจ นปรามาโส เจว นอปรามฏฺโฐ จ นอปรามฏฺโฐ เจว นโนปรามาโส จ ธมฺมา อุปฺปชฺชนฺติ เหตุปจฺจยาฯ (3)

นอปรามฏฺฐญฺเจว นโน จ ปรามาสํ ธมฺมํ ปฏิจฺจ นปรามาโส เจว นอปรามฏฺโฐ จ ธมฺโม อุปฺปชฺชติ เหตุปจฺจยาฯ (1)

นปรามาสญฺเจว นอปรามฏฺฐญฺจ นอปรามฏฺฐญฺเจว นโน จ ปรามาสญฺจ ธมฺมํ ปฏิจฺจ นปรามาโส เจว นอปรามฏฺโฐ จ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[52] ปรามาสวิปฺปยุตฺตํ นปรามฏฺฐํ ธมฺมํ ปฏิจฺจ ปรามาสวิปฺปยุตฺโต นปรามฏฺโฐ ธมฺโม อุปฺปชฺชติ เหตุปจฺจยาฯ ปรามาสวิปฺปยุตฺตํ นปรามฏฺฐํ ธมฺมํ ปฏิจฺจ ปรามาสวิปฺปยุตฺโต นอปรามฏฺโฐ ธมฺโม อุปฺปชฺชติ เหตุปจฺจยาฯ ปรามาสวิปฺปยุตฺตํ นปรามฏฺฐํ ธมฺมํ ปฏิจฺจ ปรามาสวิปฺปยุตฺโต นปรามฏฺโฐ จ ปรามาสวิปฺปยุตฺโต นอปรามฏฺโฐ จ ธมฺมา อุปฺปชฺชนฺติ เหตุปจฺจยาฯ (3)

ปรามาสวิปฺปยุตฺตํ นอปรามฏฺฐํ ธมฺมํ ปฏิจฺจ ปรามาสวิปฺปยุตฺโต นอปรามฏฺโฐ ธมฺโม อุปฺปชฺชติ เหตุปจฺจยาฯ (1)

ปรามาสวิปฺปยุตฺตํ นปรามฏฺฐญฺจ ปรามาสวิปฺปยุตฺตํ นอปรามฏฺฐญฺจ ธมฺมํ ปฏิจฺจ ปรามาสวิปฺปยุตฺโต นอปรามฏฺโฐ ธมฺโม อุปฺปชฺชติ เหตุปจฺจยาฯ (1)

เหตุยา ปญฺจ, อารมฺมเณ ทฺเว…เป.…ฯ อวิคเต ปญฺจฯ

ปรามาสโคจฺฉกํ นิฏฺฐิตํฯ

55. สารมฺมณทุกํ

[53] นสารมฺมณํ ธมฺมํ ปฏิจฺจ นสารมฺมโณ ธมฺโม อุปฺปชฺชติ เหตุปจฺจยาฯ นสารมฺมณํ ธมฺมํ ปฏิจฺจ นอนารมฺมโณ ธมฺโม อุปฺปชฺชติ เหตุปจฺจยาฯ นสารมฺมณํ ธมฺมํ ปฏิจฺจ นสารมฺมโณ จ นอนารมฺมโณ จ ธมฺมา อุปฺปชฺชนฺติ เหตุปจฺจยาฯ (3)

นอนารมฺมณํ ธมฺมํ ปฏิจฺจ นอนารมฺมโณ ธมฺโม อุปฺปชฺชติ เหตุปจฺจยาฯ